Австриска Библиотека

Австрија чита

PDFПечатиЕ-пошта

( 2 Гласа )

Австриската библиотека од Битола во месецот на книгата заедно со НУУБ „Св. Климент Охридски“ Битола се приклучува на најголемиот литературен фестивал „Австрија чита“ со две работилници со ученици основци и средношколци оддржани на 29.10. и 30.10.2019 година во просториите на Библиотеката. Идејата за вакви средби со ученици е да се запознаат со начинот како да пребаруваат во Австриската библиотека, да изнајмат книга и да читаат од богатиот фонд на германскојазичната литература. На 37 учениците од основните училишта „Тодор Ангелевски“ и „Гоце Делчев“ предводени од нивните наставнички по германски јазик Елена Поповска и м-р Симона Монавчева им беше претставена австриската писателка Мира Лобе, автор со книжевен опус на повеќе од 100 книги преведени на околу 10 јазици.

Читај повеќе: Австрија чита

 

Кристине Нестлингер

PDFПечатиЕ-пошта

( 3 Гласа )

Австриската писателка Кристине Нестлингер е тема на втората работилница организирана од страна на НУУБ „Св. Климент Охридски“ - Битола и Австриски библиотеки во Битола која е една од 65 Австриски библиотеки во 28 држави во светот. Работилницата беше наменета за средношколци и спроведена во месецот на книгата и најголемиот австриски литературен фестивал во неговото 14. издание „Австрија чита. Место за средба - Библиотека“. Истиот се одржува од 14.10.-20.10.2019 во Австрија и е понуден и на Австриските библиотеки во странство. Учество зедоа учениците од СОЕУ „Јане Сандански“ Битола предводени од нивниот професор по германски јазик д-р Николче Шулевски.

Читај повеќе: Кристине Нестлингер

   

Австрија чита - Österreich Liest

PDFПечатиЕ-пошта

( 2 Гласа )

Почитувани, во рамките на месецот на книгата, НУУБ „Св. Климент Охридски“ – Битола заедно со Австриската библиотека Ве покануваат на следните настани:

- вторник на 29.10.2019 во 16.30 часот се организира работилница за Австриската писателка Мира Лобе, со ученици од 6. - 9. одделение од ОУ „Гоце Делчев“ и ОУ „Тодор Анѓелевски“ од Битола.

- среда на 30.10.2019 во 17.00 часот се организира работилница за Австриската писателка Кристине Нестлингер со ученици од СОЕУ „Јане Сандански“ - Битола.

Работилниците се организираат заедно со НУУБ „Св. Климент Охридски“ – Битола, во рамките на месецот на книгата и во рамките на најголемиот австриски литературен фестивал во неговото 14. издание „Австрија чита. Место за средба - Библиотека“. Истиот се одржува од 14.10.-20.10.2019 во Австрија и е понуден и на Австриските библиотеки во странство. Една од 65 Австриски библиотеки во 28 држави се наоѓа токму во Битола и Австриската библиотека во Битола се приклучува на овој литературен фестивал со две манифестации: две работилници една за ученици кои го изучуваат германскиот јазик во основно училиште и една за ученици кои го изучуваат германскиот јазик во средно училиште.

   

Во Битола семинар по германски јазик според високи европски стандарди со врвен предавач од Австрија

PDFПечатиЕ-пошта

( 1 Глас )

На 03.11.2018 во Универзитетска библиотека „Св. Климент Охридски Битола со одржа семинар за професори по германски јазик на тема „Плурицентриката на германскиот јазик“. Семинарот се организира во рамките на традиционалните „Австриски денови во Македонија“ а е поддржан од Министерството за образование, наука и истражување на Р. Австрија, Австриската служба за академска размена, Амбасадата на Р. Австрија, Австриската библиотека во Битола и Почесниот конзулат на Р. Австрија во Битола. Предавач на семинарот,  кој се состоеше од три работилници на тема „Плурицентриката на германскиот јазик“, „Славење на празници“ и „Квиз за Австрија“, беше м-р Лукас Маерхофер од Виена.  Лукас Маерхофер, студирал германска филологија, театарски студии и романистика на Универзитетот во Виена и студирал гастрософиски науки на Универзитетот во Салцбург. Од 1999 година е обучувач и предавач за германски јазик како странски јазик, организатор на меѓународни семинари за наставници, предавач на Универзитетот за применети науки Виена (BFI) како и автор и уредник на наставни материјали за издавачката куќа Хуебер во Германија.

Учество на семинарот зедоа 25 професори по германски јазик од Битола, Прилеп, Охрид, Штип, Пробиштип и Скопје.

„Дека разликата помеѓу Германија и Австрија треба да биде заеднички јазик е често цитирана реченица. Двете земји имаат повеќе да покажат во нивната разноликост отколку само Brötchen  наспроти Semmel, и Abitur наспроти Matura. Секој кој досега бил на посета во Германија и Австрија и во Швајцарија, а можеби, исто така и во Лихтенштајн, Јужен Тирол, или Источна Белгија,  знае точно што значи тоа. Бидејќи мноштво термини се различни во соодветните земји или региони. Но, овде не се работи за дијалект кога при шопинг во Берлин се добива торба Tüte,  во Виена Sackerl, а во Цирих се добива Säckli. Разновидноста- варијантите на германскиот јазик се слика на сопствената историја и општество и во исто време подлежат на постојани промени од различни влијанија. Меѓусебните односи и разликите ќе се истакнат во работилницата со помош на автентична реалност и ќе се испита подетално и на тој начин се создава сензибилност при третирање на  наставениот јазик, така што ќе може да се констатира на крај: Германски не е еднакво германски“ ќе рече м-р Маерхофер

Професорите по германски јазик по целодневниот семинар си заминаа задоволни со многу наставни материјали и побогати со едно прекрасно сознание за новите информации и методи применливи директно во наставата по германски јазик.

http://www.apla.mk/index.php/denes/item/1789-vo-bitola-seminar-po-germanski-jazik-spored-visoki-evropski-standardi-so-vrven-predavach-od-avstrija?fbclid=IwAR1gWBMP4KtAvYtq4x3LK3V5aABZuGVo1-LH3BjBv-XRadDtF5C4OsaMygU

   

Амбасадорката Рената Коблер ја предаде овогодишната донација на книги

PDFПечатиЕ-пошта

( 2 Гласа )

Н.Е. м-р Ренате Коблер-Амбасадор на Република Австрија во Република Македонија на ден 13.12.2017 ( среда)  ја посети Националната установа Универзитетска библиотека „Св. Климент Охридски“ Битола и на директорот на НУУБ м-р Јелена Петровска и ја предаде овогодишната донација на книги за Австриската библиотека во Битола.
Донацијата со која  ќе се збогати библиотечниот фонд на Австриската библиотека во Битола се состои од:
•    литература од австриски писатели,
•    литература од германски писатели,
•    методски прирачници за наставници по германски јазик,
•    учебници и работни тетратки во издание на Австрискиот фонд за интеграција (Österreichischer Intergrationsfonds),
•    лексикони за австриската книжевност и стручна литература од областа на информатиката по барање на Факултетот за информатички и комуникациски технологии во Битола (ФИКТ).

Читај повеќе: Амбасадорката Рената Коблер ја предаде овогодишната донација на книги

   

Essen Tote Erbeerkuchen

PDFПечатиЕ-пошта

( 1 Глас )

Einladung zur Lesung von Kinderbuchautorin Rosemarie Eichinger aus ihrem Buch „Essen Tote Erbeerkuchen“

Am Samstag, 17.November 2017, 17.h, NUUB Sv. Kliment Ohridski Bitola
Rosemarie Eichinger, Kinder- und Jugendbuchautorin, lebt mit Tochter und Lebensgefährten in Wien, Gewinnerin beim Schreibzeit-Jugendbuchwettbewerb, Arbeitsstipendien für verschiedene literarische Projekte, Mira-Lobestipendium 2009 und 2014, Veröffentlichung mehrerer Kurzgeschichten für junge Leser, 2. Platz beim Kurzgeschichtenwettbewerb Wortlaut 2011, Theaterstück "Der goldene Schlüssel" für das Kinderfestival Forchtenstein Fantastisch. Österreichischer Kinderbuchpreis 2014 für "Essen Tote Erdbeerkuchen?"

 

 

 

 

 

 

   

Австриски денови 2017

PDFПечатиЕ-пошта

( 1 Глас )

Традиционално од 2012 г. во Република Македонија се организираат „Австриски денови“ семинар за проф. по германски јазик и литературно читање на германски јазик. Организатори се Министерството за образование на Република Австрија, Австриската служба за академска размена, Амбасадата на Република Австрија и Почесниот конзулат на Република Австрија.

Предавач на семинарот оваа година на тема „Жените во Австрија“ и „Употреба на текстови од весници во наставата по германски јазик“  е  м-р Флоријан Хадерер.

Австриската писателка за деца и млади Роземари Ајхингер од Виена ќе чита од нејзиното дело „Јадат ли мртвите колачи со јагоди?“ на германски јазик.

Место на одржување НУУБ Св. Климент Охридски Битола од 09.30 до 18.00 часот.

Учеството е врз основа на претходно пријавување во Почесниот конзулат на Република Австрија во Битола 047-221-336 или 075/395-041.

   

Посета на студенти од Државниот универзитет од Тетово, 2017

PDFПечатиЕ-пошта

( 3 Гласа )

Австриската библиотека и Почесниот конзулат на Република Австрија во Република Македонија беа посетени од студентите од 4. година од студиската програма по германски јазики книжевност при Државниот универзитет во Тетово со нивните професори и шеф на катедра. Гостите ги поздрави в.д. директорот м-р Јелена Петровска и ги запозна со структурата на  НУУБ „Св. Климент Охридски“ и Австриската библиотека во Битола.  Австрискиот лектор Лазим Ахмеди заедно со неговите студенти подготви литературно читање на избрани текстови и истите и беа презентирани на Почесниот конзул на Република Австрија и раководител на Австриската библиотека во Битола д-р Валентина Илиева.

 

 

 

   

Светскиот ден на учителите одбележан и на УКЛО. Претставен првиот превод на универзитетско учебно помагало на германски јазик

PDFПечатиЕ-пошта

( 0 Гласа )

Во рамки на издавачката дејност на УКЛО на Светскиот ден на учителите, 5 октомври, во НУУБ „Св. Климент Охридски“ – Битола, промивирано е изданието „Методи на наставата по германски јазик како странски јазик„

Проректорот, проф. д-р Виолета Маневска, во својство на промотор, истакна дека издавачката дејност на УКЛО етаблирана низ изданијата Билтен на Универзитетот, е- весникот Универзитетски глас и научното списание Хоризонти, меѓу другото вклучува и поттикнување преводи на учебници и учебни помагала, како што е изданието „Методи на наставата по германски јазик како странски јазик„ од авторите Герхард Нојнер и Ханс Хунфелд што претставува прв превод во Република Македонија, по претходно добиено авторско право за издавање на преводот, извршен од: д-р Валентина Илиева, м-р Симона Монавчева и Кристина Илиева.

Професорот од Педагошкиот факултет, д-р Даниела Андоновска Трајковска потсети на значењето на методиката како важна научна дисциплина и ја истакна поддршката  на УКЛО за научната и стручна мисла на Универзитетот.

Настанот беше повод присутните пошироко да се запознаат со издавачката дејност на УКЛО, во време на електронско споделување на информации од различна природа, вклучувајќи ги и научно – истражувачките резултати во сферата на издаваштвото, за што УКЛО има креирано сопствен дигитален репозиториум ePrint.uklo што овозможува поголема промоција на Универзитетот и зголемена видливост на УКЛО пред домашната и меѓународна јавност.

Изданието „Методи на наставата по германски јазик како странски јазик„ своја промоција и афирмација имаше и пред пошироката академска јавност во Република Македонија. Имено, на покана од Универзитетот „Гоце Делчев“ – Штип д-р Валентина Илева, еден од авторите на преводот, одржа презентација на изданието. За интересот за овој единстен од ваков вид прирачник во државата,  во наставата по германски јазик, потврда е присуството на студентите, професори по германски јазик и академскиот кадар, за што нашите читатели поопширни информации може да видат на: http://ff.ugd.edu.mk/index.php/mk/vesti/14-metodi-na-nastava-po-stranski-jazik

Промоцијата на изданието „Методи на наставата по германски јазик како странски јазик„  на Универзитетот „Гоце Делчев“ – Штип се одржа во духот на меѓусебната соработка меѓу двата универзитети.

 

   

Меѓународен научен симпозиум

PDFПечатиЕ-пошта

( 2 Гласа )

   

Мусил во Битола

PDFПечатиЕ-пошта

( 3 Гласа )

Во Битола во Завод и Музеј прикажана изложба на тема „Роберт Музил и Првата светска војна“ изработена и адаптирана во Линц, Република Австрија. М-р Рајнхолд Кретер, директорот на Дирекцијата за култура во покраинската влада на Горна Австрија овозможи оваа патувачка изложба да биде прикажана  и во Република Македонија, со прва станица во Битола, во рамките на БитФест 2017. Роберт Музил не е непознато име Македонија. При истражувањето во НУУБ Св. Климент Охридски Битола како и во Австриската библиотека во Битола, констатирано е дека 12 дела на Музил ги красат овие две библиотеки на германски јазик и преведени на македонски и српски јазик.

Читај повеќе: Мусил во Битола

   

„Збор и игра во наставата“

PDFПечатиЕ-пошта

( 3 Гласа )

Здружението за македонско-германско пријателство соработка од Битола започна да ја реализира својата годишна програма. Меѓу првите активности е работилницата за професори по германски јазик на тема „Збор и игра во наставата“ чиј  реализатор беше г-дин Тимо Брунке од Штутгарт, Германија. На работилницата зедоа учество 22 професори по германски јазик од Битола, Прилеп, Охрид и Скопје. Присутните ги поздрави д-р Лили Бошевска директор на НУУБ Св. Климент Охридски Битола во чии простории се одржа работилницата и претседателот на ЗМГПС д-р Валентина Илиева, којашто меѓу другото истакна  дека „ЗМГПС од Битола добива преку Гете институтот во Скопје и Германската Амбасада во Скопје активности кои ние во Битола ги организираме.

Читај повеќе: „Збор и игра во наставата“

   

Манифестации на Австриската библиотека, 12.11.2016

PDFПечатиЕ-пошта

( 5 Гласа )

На 12.11.2016 г. во НУУБ „Св.Климент Охридски“ - Битола, Австриската Амбасада во Скопје, НУУБ „Св.Климент Охридски“ и Почесниот конзулат на Република Австрија во Битола реализира две манифестации:

1. Литературно читање на германски јазик на австриската авторка од Виена г-ѓа Штефани Заргнагел, добитник на наградата Ингеборг Бахман 2016 г. од публиката во рамките на манифестацијата 40. Денови германско-јазична литература со почеток во 09.00 часот. Во салата за промоции пред публика од професори по германски јазик од Битола, Прилеп и Скопје, директорката на НУУБ Св. Климент Охридски д-р Лили Бошевска, раководителот на секторот за меѓународна соработка г-ѓа Анета Стефановска, конзулот во Австриската Амбасада г-ѓа Габриеле Јанежич, Австриското воено аташе од Белград Полковник Томас Ахамер и неговото семејство и др. љубители на пишаниот збор се обрати Почесниот конзул на Република Австрија д-р Валентина Илиева. Таа во нејзиниот поздравен говор накратко ја објасни манифестацијата „Денови на германско-јазичната литература“ која секоја година се органиизра во Клагенфурт и оваа година по 40. пат, а на истата се доделува наградата Ингеборг Бахман, се заблагодари на Австриската Амбасада во Скопје за поддршката авторката Штефани Заргнагел од Виена, добитник на наградата Ингеборг Бахман од публиката да чита од нејзиното творештво во Битола.

По поздравниот говор на д-р Илиева, публиката имаше можност да го проследи видео записот од доделувањето на наградата Ингеборг Бахман 2016, а потоа следеше читањето на авторката Штефани Заргнагел. Публиката беше воодушевена од младата авторка и се заблагодари со голем аплауз, цвеќе и една книга за Битола како спомен на ова гостување. На авторката и беше предложено дел од прочитаните текстови да се преведат на македонски јазик. Во нејзиното интервју со медиумите таа меѓу другото истакна дека многу и се допадна публиката во Битола, дека ќе продолжи да твори иако студирала нешто сосема др. сликарство, а не книжевност и дека планира да издаде наскоро нова книга. Нејзиниот знак за препознавање црвената баретка и е подарок од една многу драга пријателка.

и

2. Семинар за професори по германски јазик „Австриски денови 2016“ во организација на Министерството за образование и на Република Австрија, Австриската служба за академска размена и Австриската Амбасада во Скопје, Почесниот конзулат на Република Австрија во Битола и НУУБ Св. Климент Охридски Битола се оддржа во просториите на НУУБ „Св. Климент Охридски“ - Битола со предавач од Виена Австрија, м-р Ирис Хоенедер.

На семинарот учествуваа 30 професори по германски јазик од Битола, Прилеп и Скопје. Семинарот беше поделен во 2 блока, во првиот се работеше на тема „Спортот во Австрија“ на кои учесниците добија дидактизиран материјал за директна употреба во настава, а неколку примери беа испробани на самиот семинар. По првиот блок следеше презентација на Австриската јазична диплома со делење на рекламен материјал, која Австриска јазична диплома ÖSD има меѓународна важност и се признава на Универзитетите во Австрија, Германија и Швајцарија и во Амбасадите на германскојазичните земји и службите во истите. Австрискиот јазичен испит за стекнување со Австриска јазична диплома ÖSD може да се полага во Битола по претходно пријавување.

Во вториот блок од семинарот се работеше на темата „Литературата во Австрија“ која беше на многу интерактивен и практичен начин презентирана. По примерот на поезијата на авторот Ернст Јандл и др. австриски автори предавачот м-р Хоенедер го објасна начинот на примена на таа поезија во настава на многу интересен начин. Прозата со примери од познатата авторка Кристине Нестлингер беше обработена со дидактизиран материјал кои исто така учесниците на семинарот го добија на нивно огромно задоволство и истиот може да се примени директно во настава со учениците.

Инспирираните учесници твореа поезија и проза на германски јазик и работеа неуморно со желба што повеќе да сознаат за новите и атрактивни методи кои треба да се применат во современата настава по германски јазик. На крај Почесниот конзул на Република Австрија во Македонија д-р Валентина Илиева која  воедно е и раководител на Австриската библиотека во Битола, единствена од ваков вид во Република Македонија ја презентира веб страната на НУУБ „Св. Климент Охридски“ од Битола и начинот како се пребарува преку Cobiss ситемот од дома и како се резервира и изнајмува книга од Австриската библиотека од Битола. Притоа беа и прикажани сите досегашни манифестации на Австриската библиотека во Битола. На проф. по германски јазик им беше упатена покана да осмислуваат проекти и учествуваат во активностите на Библиотеката.

Секој учесник се стекна со австриски сертификат за учество на семинарот и разделбата беше во духот на голема благодарност за учеството и можноста да се учествува на ваков квалитетен семинар и со желба за повеќе семинари од ваков вид.

   

Австрија чита, место за средба- библиотека (ВИДЕО), 2016

PDFПечатиЕ-пошта

( 7 Гласа )

JavaScript is disabled!
To display this content, you need a JavaScript capable browser.

   

Австрија чита, место за средба- библиотека, 2016

PDFПечатиЕ-пошта

( 5 Гласа )

Во рамките на овој најголем австриски фестивал на литературата 2016 „Австрија чита, место за средба - библиотека“, Австриската библиотека во Битола организираше литературно читање, на кое што беа поканети да учествуваат учениците од О.У. „Ѓорѓи Сугарев“. Почесниот конзул на Република Австрија во Република Македонија д-р Валентина Илиева заедно со учениците прочитаа две приказни од детскиот криминален роман: „Моцарт и атентатот во операта“. Во соработка со наставниците по германски јазик: Ана Савеска и Ирена Миленковска, учениците ги превзедоа улогите на Моцарт, на господинот Шиканедер, неговата ќерка Кати, потоа оперската пеачка Ана Готлиб и нејзиниот брат Амадеус, додека д-р Илиева го читаше наративниот дел и на тој начин, воспоставена е една топла и пријатна книжевна атмосфера. За успешната интерпретација на улогите и активното учество во литературниот настан, почесниот конзул на Република Австрија во Република Македонија д-р Валентина Илиева на учениците учесници им подари пригодни подароци.

   

„Österreich liest“

PDFПечатиЕ-пошта

( 7 Гласа )

На ден 07.10.2016 година, ученици од ОУ „Гоце Делчев“ - Битола подготвија работилница во Австриската читалница што е во рамките на НУУБ „Св. Климент
Охридски“ – Битола. Во чест на манифестацијата „Österreich liest“ која се одржува не само во Австрија,туку во повеќе земји во Европа во период од 3-10 Октомври, се обработи делото „Dani Dachs will eine rote Kappe“ или на македонски јазик „Јазовецот Дани сака црвена капа “.
Работилницата се состоеше од литературно читање на дело од австриската авторка Кристине Нестлингер. Учениците барајќи низ книгите во Австриската читалница од Кристине Нeстлингер се одлучија за ја прочитаат книгата „ Dani Dachs will eine rote Kappe“.Преводот го работеа со помош на електронски и книжен речник. Фотокопирани слики од сликовницата ги исекоа и ги залепија во рачно изработена празна сликовница, а потоа преведените делови ги впишаа во празната сликовница покрај сликите. Како краен производ се доби рачно изработена сликовница преведена на македонски јазик. За успешно завршената работилница, сите ученици вклучувајќи ја и публиката добија слатки работи и книги на македонски јазик од авторката Кристине Нестлингер од почесниот австриски конзул и раководител на Австриската библиотека д-р Валентина Илиева.

 

   

“Млади библиотекари”

PDFПечатиЕ-пошта

( 8 Гласа )

Ученици од ОУ „Гоце Делчев“ од Битола подготвија работилница во Австриската читалница што е во рамките на НУУБ „Св. Климент Охридски“ – Битола.
„Нашите ученици од шестто, осмо и деветто одделение во склоп на библиотекарската секција “Млади библиотекари”, подготвија работилница во Австриската читалница на тема „Мира Лобе и нејзините дела“.

Работилницата се состоеше од литературно читање на германски јазик на делото „Баба во јаболкница“, сликовито прикажување на текстот од книгата, квиз за Мира Лобе и нејзиното дело и краток цртан филм „Малото јас сум јас“. Почесниот австриски конзул д-р Валентина Илиева ја посети нашата работилница и ги награди нашите ученици.“ – изјави Маја Дамевска, училишен библиотекар во ОУ „Гоце Делчев“.
На работилницата присутни беа наставничките по германски јазик  Елена Поповска и Афродита Алиевска, др. наставници и ученици од ООУ Гоце Делчев и соработниците на Австриската библиотека од Битола.
Директорката на училиштето „Гоце Делчев“ г-ѓа Билјана Рахманова Тасева истакна дека од голема важност се ваквите активности кои им помагаат на учениците да дознаат повеќе за австриската и германската култура и јазик.

 

   

Блиска средба во Австриската библиотека во Битола

PDFПечатиЕ-пошта

( 11 Гласа )

На покана на раководителката на Австриската библиотека д-р Валентина Илиева, а на иницијатива на м-р Симона Монавчева (специјалност- Nöstlinger) проф. по германски јазик во Основното училиште „Тодор Анѓелевски“ во Битола 16 ученици од 7. и 9. одделение, кои го изучуваат германскиот јазик подготвија литературно читање и натпревар во брзо читање на германски јазик.

Националната установа универзитетска библиотека „Св. Климент Охридски“ организира топол прием на учениците така што со водење низ детскиот оддел, австриската читалница, магацинскиот простор, медиотеката и новите читалници ги запознаа учениците со новите настани кои се случија во изминатиот период, со начинот на пребарување и изнајмување на книги, со начинот на складирање на книгите и нивните права и обврски како читатели.
Во новата читалница бр.1 учениците ги читаа текстовите од книгата "Mini ist die Größte" од австриската писателка Christine Nöstlinger. Потоа со помош на колешките Билјана Кицевска, Марина Петровска и Кристина Илиева беше организиран натпревар со учениците во брзо и точно читање на текстовите на германски јазик.
На крај д-р Илиева мотивирајќи ги учениците да продолжат да ги користат книгите на германски јазик од Австриската библиотека во Битола им подари пригодни подароци на учениците.

 

   

Новата австриска амбасадорка во прва посета на Битола

PDFПечатиЕ-пошта

( 7 Гласа )

JavaScript is disabled!
To display this content, you need a JavaScript capable browser.

   

Австриската амбасадорка донираше книги во библиотеката

PDFПечатиЕ-пошта

( 7 Гласа )

Со песничка најмалите од хорот Ѕвончиња и посакаа добредојде на австриската амбасадорка која е во официјална посета на Битола. Амабасадорката за австриската библиотека донираше околу 50 тина наслови на книги
- Денеска за австриската библиотека дониравме околу 50 тина книги, од кои повеќето се за дечињата, изјави Рената Коблер, амбасадор на Р.Австрија во Р.Македонија

- Во Австриската библиотека досега имавме околу 3000 наслови на книги, така што овие книги кои што ни ги донираше австриската амбасадора се од големо значење за нас, а посебно за најмалите, истакна директорот на библиотеката Науме Ѓоргиевски.
- Единствено во Битола имаме австриска библиотека со која можеме да се гордееме, бидејќи покрај тоа што граѓаните можат да читаат и да изнајмуваат книги туку се организираат и културни манифестации, изјави Валентина Илиева, почесен конзул.
Во знак на соработка и пријателство обете страни си разменија и подароци.

   

„Австрија чита, место за средба- библиотека“ - втора работилница

PDFПечатиЕ-пошта

( 4 Гласа )

Во рамките на најголемиот австриски фестивал на литературата „Австрија чита, место за средба- библиотека“, Австриската библиотека во Битола организира второ литературно читање. Почесниот конзул на Република Австрија во Република Македонија д-р Валентина Илиева заедно со ученици од О.У. „Ѓорѓи Сугарев“ од Битола го прочитаа текстот „Школски приказни за Франц“ од познатата австриска писателка Кристине Нестлингер. Во соработка со професорите по германски јазик и литература: м-р Ана Савеска и Ирена Миленковска, учениците ги превзедоа улогите на Франц, наставникот Свобода, родителите на Франц, бабата на Франц и го читаа директниот говор во текстот, додека д-р Илиева го читаше наративниот дел и на тој начин, воспоставена е една топла и пријатна книжевна атмосфера. За успешната интерпретација на улогите и активното учество во литературниот настан,почесниот конзул на Република Австрија во Република Македонија д-р Валентина Илиева на учениците учесници им подари пригодни подароци.

   

Донација на книги од д-р Харолд Кочи

PDFПечатиЕ-пошта

( 5 Гласа )

Денес на 29.10.2015 година, првиот австриски Амбасадор во Р. Македонија (1997 - 2002) д-р Харолд Кочи заедно со Почесниот австриски Конзул д-р Валентина Илиева ја посетија НУУБ „Св.Климент Охридски“ - Битола и на директорот г-динот Науме Ѓоргиевски му врачија книги за Австриската Библиотека од личната австриска Библиотека од Бад Ишл од Амбасадорот.

 

 

 


   

„Австрија чита, место за средба- библиотека“

PDFПечатиЕ-пошта

( 7 Гласа )

Најголемиот австриски фестивал на литературата го слави својот 10 годишен јубилеј! Под мотото „Австрија чита, место за средба- библиотека“ активност организира и Австриската библиотека во Битола, имено на 21.10. со почеток во 19.00 часот Почесниот конзул на Република Австрија во Република Македонија д-р Валентина Илиева пред присутните ученици од Музичкото училиште од Битола и ученици од Гимназијата „Таки Даскало“ од Битола прочита текстови за операта „Волшебната флејта“ од австрискиот музички и светски гениј Волфганг Амадеус Моцарт.

Читај повеќе: „Австрија чита, место за средба- библиотека“

   

Литературно читање на почесниот конзул со дечиња

PDFПечатиЕ-пошта

( 5 Гласа )

Во детскиот блок на НУУБ „Св. Климент Охридски“ се одржа втората работилница во рамките на проектот „Со читање книга до најдобра порака и личност“ во рамките на БИТФЕСТ 2015. Честа да им чита на децата ја  имаше Д-р Валентина Илиева почесен конзул на Република Австрија Во Република Македонија.На мошне интересен сликовит начин таа им ги пренесе доживувањата од приказната „Мини патува на одмор“ од авторката Кристине Ностлингер.

https://www.facebook.com/sv.klimentohridski/media_set?set=a.1099585396736337.1073741879.100000546606486&type=3&pnref=story


   

Сите заедно читаме

PDFПечатиЕ-пошта

( 4 Гласа )

НУУБ „Св. Климент Охридски“ – Битола во рамките на БИТФЕСТ 2015 започна со спроведување на проектот „ЧИТАМЕ СИТЕ ЗАЕДНО“.

Следејќи ги светските трендови и текови на развој на библиотеките, со овој проект се нудат современи алтернативни форми на промоција и полуларизација на книгата поврзувајќи ги културата на читање книги со општата култура и цивилизациски развој на Битола.

Во спроведувањето се вклучени значајни личности од јавниот живот на Битола љубители на книгата кои преку својата животна приказна им го претставуваат значењето на книгите во постигнувањето на нивниот успех.

На денешниот настан присутни беа Димитар Андоновски – естраден уметник, Маја Андоновска Илијевска - актер, Д-р Валетнина Илиева почесен конзул на Република Австрија во Република Македонија, Жанета Михајлова – воспитувач, Мартин Николовски – средношколец, Иван Марковски поранешен ракометен репрезентативец, Радован П. Цветковски – писател, Неда Маретиќ – новинар и тв водител и Д-р Ели Тасевска Димовска – специјалист педијатар.

Децата имаа можност да дознаат како книгите влијаеле на нив да станат успешни и кои им биле омилените книги како деца.

 

   

Донација на книги од Pro Helvetia од Швајцарија

PDFПечатиЕ-пошта

( 9 Гласа )

На 24 септември 2014 година во 12 часот во НУУБ „Св. Климент Охридски“ - Битола во присуство на амбасадорот на Швајцарија во Р. Македонија, Стефано Лазарото, амбасадорот на Р. Австрија д-р Томас Михаел Баер, почесниот конзул на Р. Австрија и раководител на австриската библиотека во Битола д-р Валентина Илиева, на директорот на НУУБ „Св. Климент Охридски“ - Битола, г-дин Науме Ѓоргиевски му беше врачена донација на книги од Швајцарија за Австриската Библиотека, која е во склоп на Библиотеката во Битола.

Во присуство на поканетите гости проф. д-р Златко Жоглев, ректор на Универзитетот „Св. Климент Охридски“ - Битола, м-р Снежана Петровска, совет за образование при Општина Битола, професори по германски јазик од основните и средните училишта од Битола, професори и студенти од Педагошкиот факултет - Битола, ученици од Средното економско училиште „Јане Сандански“ - Битола, како и други присутни посетители, се одржа манифестација по повод донацијата на книги за Австриската Библиотека.

Во текот на програмата свое обраќање имаа: амбасадорот на Швајцарија, амбасадорот на Р. Австрија, директорот на Библиотеката и почесниот конзул на Р. Австрија во Битола.

   

„Зигмунд Фројд или како соништата стануваат реалност“

PDFПечатиЕ-пошта

( 8 Гласа )

Во оргaнизација на Амбасада на Република Австрија во Македонија, почесениот Австриски Конзулат во Битола, Австриската библиотека, во НУУБ „Св Климент Охридски“ - Битола беше одржано предавање на тема „Зигмунд Фројд или како соништата стануваат реалност“ на германски јазик.
Предавањето беше одржано од страна на австриската реномирана историчарка Лиза Фишер, а по повод 75-годишнината од смртта на таткото на психоанализата.
Ова предавање е во рамките на богатата и разновидна културна програма на почесниот австриски Конзулат за оваа година, со цел одбележување на пријателството помеѓу Македонија и Австрија.

 

 

 

 

 

 

 

   

Филмска вечер во Битола

PDFПечатиЕ-пошта

( 5 Гласа )

На 25 април 2013  во салата за промоции на НУУБ „Свети Климент Охридски“ во Битола се одржа филмска вечер  организирана од Австриската библиотека, НУУБ  „Св. Климент Охридски“ и Австриска Амбасада Скопје.

Филмот „Call me a Jew“ (Наречи ме Евреин) на австрискиот режисер Михаел Пфајфенбергер беше овозможен од  Меморијалниот центар на холокаустот на евреите од Македонија, кој го доби овој филм како подарок од Република Австрија за да може да се презентира на заинтересираната публика во Македонија.

Филмот побуди голем интерес кај професорите по историја и по германски јазик од основните и средните училишта во Битола, како и кај студентите на  Педагошкиот факултет од студиската група  македонски и германски јазик и студиската група германска книжевност и кај учениците од Гимназијата „Јосип Броз Тито“.

 

 

 

 

   

Предавање за „Музиката во Австрија“

PDFПечатиЕ-пошта

( 5 Гласа )

На 26 април 2013 на Педагошкиот факултет во Битола- Универзитет Св. Климент Охридски  се одржа предавање „Музиката во Австрија“.Амбасадорот на Република Австрија д-р Томас-Михаел Бајер ја прифати поканата на Ректорот на Универзитетот проф. д-р Златко Жоглев, со неговото предавање  „Музиката во Австрија“ да го збогати одбележувањето на 34-от роденден на Универзитетот, кој оваа година изобилуваше со многубројни манифестации.Продеканот за настава проф. д-р Валентина Гулевска го поздрави и го покани гостинот да го одржи неговото предавање. Студентите покажаа голем интерес и дискутираа по предавањето со Амбасадорот.

 

   

Денови на европската култура во Битола

PDFПечатиЕ-пошта

( 6 Гласа )

Со оглед на кандидатскиот статус на Република Македонија за членство во ЕУ, значајно е нашите граѓани да бидат запознати со културното богатство на земјите членки. За таа цел, матичната и универзитетска библиотека Св. Климент Охридски организираше деновите на европската култура во Битола во рамките на БИТФЕСТ 2013 година.  Различните култури и нивното прифаќање се предуслов за развој на човекот, негова еманципација и проширување на културното богатство. Исто така, тие се предуслов за подобро меѓусебно разбирање на народите и нивно зближување. Со таква цел во библиотеката Св. Климент Охридски се реализираат деновите на европската култура во Битола започнувајќи од 09.07.-12.07.2013 година.

Читај повеќе: Денови на европската култура во Битола

   

Предавање на Австрискиот Амбасадор на правниот факултет - Битола

PDFПечатиЕ-пошта

( 6 Гласа )

Во рамките на прославата по повод отворањето на Австриската библиотека Австрискиот Амбасадор д-р Томас Михаел Бајер (Dr. Thomas Michael Baier) одржа на покана на Ректорот на Универзитетот Св. Климент Охридски Битола, проф. д-р Златко Жоглев, предавање на тема  „МЕЃУНАРОДНО КАЗНЕНО ПРАВО“ пред студентите , асистентите и професорите на Правниот факултет. Деканот на факултетот, проф. д-р Илија Тодоровски ги поздрави предавачот и публиката. Излагањето на Амбасадорот Бајер ја осветли историјата на меѓународното казнено право на нирнбершките и токиските процеси сѐ до согласувањето за прифаќањето на  престапите на агресија во Римскиот статут на меѓународниот казнен судски двор  и воопшто улогата на меѓународните трибунали при натамошниот развој на хуманото народно право.

Читај повеќе: Предавање на Австрискиот Амбасадор на правниот факултет - Битола

   

Промоција на книгата „D-A-CH-L -концептот во наставата по германски како странски јазик“ на д-р Валентина Илиева

PDFПечатиЕ-пошта

( 6 Гласа )

Во преполната сала за промоции на Националната установа и Универзитетска библиотека Св. Климент Охридски на 20.09.2012 беше промовирана научната публикација на  д-р Валентина Илиева  од страна на проф. д-р Петар Рау во присуство на Неговата екселенција Австрискиот Амбасадор д-р Томас Бајер.Поздравување на студентите, асистентите, професорите, писателите, продеканите и деканите од различни факултети на Универзитетот  Св. Климент Охридски следеше во прекрасната сала од доц. д-р Даниела Андоновска-Трајковска. Ректорот на Универзитетот Св. Климент Охридски проф.  д-р Златко Жоглев  во неговиот поздравен говор ја опиша авторката како вредна, компетентна и доверлив квалификуван наставник на Универзитетот.

Читај повеќе: Промоција на книгата „D-A-CH-L -концептот во наставата по германски како странски јазик“ на д-р Валентина Илиева

   

Соло вечер на австриската пијанистка Ема Шмит во Битола

PDFПечатиЕ-пошта

( 6 Гласа )

На 30 ноември 2012 во историскиот јужномакедонски град Битола се одржа вечер на пијано со австриската пијанистка Ема Шмит, организирана од тамошниот Центар за култура заедно со Австриската библиотека Битола и Австриската Амбасада Скопје.

Читај повеќе: Соло вечер на австриската пијанистка Ема Шмит во Битола

   

Музиката во Австрија

PDFПечатиЕ-пошта

( 8 Гласа )

Амбасадорот на Република Австрија
во Република Македонија
Н. Е. д-р Томас-Михаел Баер


ќе одржи предавање


„ Музиката во Австрија “
(предавање на германски јазик за студентите)

 

петок на 26.04.2013 во 10.00 часот
на Педагошкиот факултет - Битола

   

Проекција на филмот на Michael Pfeifenberger

PDFПечатиЕ-пошта

( 7 Гласа )

Проекција на филмот
на Michael Pfeifenberger



 

четврток на 25.04.2013 во 18.30 часот


во Салата за промоции во


НУУБ „Св. Климент Охридски“ - Битола


со воведен збор од
Н. Е. Dr. Thomas-Michael Baier
Амбасадор на Р.Австрија во Р. Македонија

   

Донација на книги од Швајцарската амбасада

PDFПечатиЕ-пошта

( 9 Гласа )

Во рамки на успешната соработката со Австриската  амбасада во Република Македонија и успешното  функционирање на Австриското катче во Битолската библиотека, швајцарскиот амбасадор во Р.Македонија    г-дин Stefano Lazzarotto донира книги за љубителите на германскиот јазик.

   

Посета на студентите од Педагошки факултет - Германски јазик и книжевност од Битола

PDFПечатиЕ-пошта

( 12 Гласа )

Студентите ид 1 и 4 година,  професорките доц.д-р Валентина Илиева и   проф. д-р Јаготка Стрезовска  при Педагошкиот факултет -  Германски јазик и книжевност - Битола на ден 27.09.2012 година ја посетија Библиотеката.
Посетата беше искористена за запознавање на студентите со работата на Библиотеката како културна установа, нејзините оддели и начинот на издавање на книгите.
Студентите  покажаа интерес  за „Австриската библиотека“ во рамките на НУУБ „Св.Климент Охридски“- Битола и  на германската литература. „Австриската библиотека„ е донација од Австриската амбасада во Република Македонија.  
Исто така беа разгледани магацинот за чување на книги, детската библиотека, читалните.

 

 

 

 

   

Повторно отворена Австриската библиотека во Битола

PDFПечатиЕ-пошта

( 12 Гласа )

На 20 септември 2012 беше потпишана спогодбата за соработка помеѓу Сојузното министерство за европски и меѓународни работи на Република Австрија и Националната институција Универзитетска библиотека „Св. Климент Охридски“ Битола за трајно користење на донираните книги од Република Австрија, од  Австрискиот Амбасадор во Македонија д-р Томас Михаел Бајер (Dr. Thomas Michael Baier) и директорот на Универзитетската библиотека Науме Ѓорѓиевски во присуство на научната раководителка д-р Валентина Илиева, Универзитет Св. Климент Охридски, Битола.

Читај повеќе: Повторно отворена Австриската библиотека во Битола

   

Промоција на книгата „Д-А-Х-Л- Концептот по германски јазик како странски јазик“

PDFПечатиЕ-пошта

( 13 Гласа )

Универзитет „Св.Климент Охридски“ - Битола

Факултет за администрација и менаџмент на информациски системи - Битола

ПОКАНА ЗА ПРОМОЦИЈА НА КНИГАТА

„Д-А-Х-Л- Концептот по германски јазик како странски јазик“

- автор доц.д-р Валентина Илиева.

20.09.2012 година (четврток) во 19 часот во просториите на НУУБ„Св.Климент Охридски“ - Битола.

   
Сподели на Facebook