Пензионираниот наставник Пиј Фернандес од Дар ес Салам, најнаселениот град во Источна Африка, добива дневник на еден британски колонијален управител од 1913-1914 година, откриен неодамна, a напишан во мугрите на Првата светска војна. Дневникот раскажува интригантна тајна за афера од минатото, а истовремено ја опишува и раната азиска емигрантска заедница во едно погранично гратче. Додека е во потрага по приказната на дневникот и по нејзината тајна, Фернандес сфаќа дека тој не само што ја одгатнува нераскажаната историја на Источна Африка туку и се разоткрива себеси.