Едно младо момче од Грузија патува до Карабах, спорна зона помеѓу Ерменија и Азербејџан, за да купи евтина дрога. Го заробуваат најпрво Азерите, а потоа и Ерменците. Така долго време поминува далеку од својата татковина, сфаќајќи дека и не сака да се врати. Што го чека дома? Таткото алкохоличар и бремената девојка, која не е прифатена од неговите. Што е слободата и дали во неа може најмногу да уживаме затворени? Грузискиот бестселер, според кој се снимени два играни филма, е моќна книга за тешкото прашање на наоѓањето и на дефинирањето на слободата.