Нека зборува ветрот е последниот објавен роман на Хуан Карлос Онети од циклусот за измисленото место Санта Марија. Составен е од два дела, во кои Медина, некогашен студент по медицина, сликар аматер, па полициски комесар, зборува за својот живот во прво лице, и тоа паралелно за сегашноста и за минатото. Првиот дел се одвива во Лаванда, но Санта Марија е постојано присутна во судбината на многу ликови. Како во Лаванда (во првиот дел), така и во Санта Марија (во вториот дел) е опкружен од истите ликови што се главни учесници на дискретно навестената драма. Меѓу нив, главни се пејачката Фрида, од германско потекло, со лезбиска наклоност, која извесно време го издржува и му ги краде љубовниците, и вонбрачниот син Сеоане, во првиот дел дете, а во вториот дваесетгодишно момче заљубено во Фрида...