Поминале повеќе од 24 години откако Хелена поминала волшебен распуст на Кипар, каде што прв пат се вљубила. Кога нејзиниот кум ѝ ја остава во наследство Пандора, сега трошна куќа, таа се враќа на Кипар, во местото  што некогаш го сакала, за да го помине летото со своето семејство.  Пандора и пејсажот околу неа се идилични исто како и порано и на Хелена ѝ доаѓаат многубројни  сеќавања. Меѓутоа некои од нив таа не сака да ги сподели со нејзиниот сопруг Вилијам и со нејзиниот син Алекс, тринаесетгодишно момче соочено со промените што ги носи растењето додека очајнички сака да ја дознае вистината за својот вистински татко.Кога Хелена случајно ќе се сретне со својата љубов од младите денови, ќе се раздвижи синџир од настани што не ги посакувала. Но, таа и Алекс веќе ја отвориле вратата на Пандора и тајните почнуваат да се разоткриваат...