Оваа искрена, интимна и убедлива биографија нуди нова слика за животот на Роберт Шуман. Таа ја конфронтира традиционалната перцепција за романтичарот чијашто депресија го води во живот на беспомошна, потресна тага. Внимателната анализа на Џон Вортен ни открива дека Шуман бил остроумен, духовит и неизмерно решителен човек, кој – со мала поддршка од семејството и пријателите во провинцијата Саксонија внимателно го изучил својот занает како музичар, надминувал проблем по проблем во професионалниот живот, и се оженил со жената што ја сакал по огромната битка со нејзиниот татко. Шуман не бил ниту манијакално депресивен ниту шизофреничар, иако се борел со ментална болест. Тој работел извонредно напорно да го развие својот опсег на музички стилови и да заработи за живот, за на возраст од четириесет и четири години да биде погоден од неизлечлива болест. Биографијата на Вортен ефективно демистифицира фигура која често се смета за романтична енигма. Таа го ослободува Шуман од 150-годишниниот мит за него и неправедните психолошки шпекулации. Таа за прв пат го открива како брилијантен, страстен, решителен музичар и темелно креативно човечко суштество, композитор на веројатно најдобрата музика на неговата генерација