Во „Ранетиот орел“ од Мир-Јам се преплетуваат повеќе животни приказни, но главната личност е младата Анѓелка. Таа е млада, убава, образована девојка, полна со љубов за својот свршеник, кој исто така како неа е млад, убав, образован... Љубовта е обострана и неизмерна. Се чини дека нивната среќа ништо не може да ја помати. Но, дали е така...? Сите соништа за заеднички и среќен живот се рушат. Свршувачката завршува со развод. Машката гордост и суета е силно погодена, а причината е предбрачниот грев на младата девојка...