Во ова свое дело Коелјо нè води на Канскиот филмски фестивал, каде што се собира таканаречената суперкласа – тие што успеале во светот на модата и филмот. Некои се пробиле до самиот врв и се плашат да не ја изгубат својата супериорна позиција. Парите, моќта и славата се загрозени „вредности“ за кои повеќето луѓе се подготвени на сè, по секоја цена.

На овој модерен панаѓур на суети се сретнуваат: Игор, руски милионер; кралот на модата Хамид – од Блискиот Исток; американската актерка Габриела, желна да дојде до главна улога; амбициозниот криминалистички детектив Савој, кој се надева дека ќе го реши случајот на неговиот живот и Џасмин, манекенка на чекор од својата успешна кариера.

Кој ќе го спознае својот личен сон меѓу многуте извештачени сеништа и ќе успее да си го оствари...?