Замислете дека живеете еден сосема нов живот - живот во кој сте слободни да бидете она што навистина сте. Замислете дека живеете не судејќи си ниту себеси ниту некому друг, без страв дека другите ќе ви судат вам. Прифатете се себеси точно такви какви што сте и прифатете секого друг токму таков каков што е.

Почитувајте се себеси и секого друг, а за возврат - другите ќе ве почитуваат вас. Живејте без страв, без вина, без срам, без каење. Сакајте го своето тело онакво какво што е; сакајте ги своите емоции токму такви какви што се. Замислете дека вие едноставно сте вие, дека сте среќни и дека вистински уживате во својот живот. Ваквиот живот е сосема можен, и тој е во ваши раце. Другите го имаат постигнато тоа, а можете и вие. Само усвојте ги петте спогодби како свој начин на живот и наскоро ќе живеете во својот личен сон за рајот.