Настани

Учениците од ОСМУ„ Јован Калаузи“ за Блаже Конески

Последно освежено на Петок, 10 Декември 2021 12:55 Објавено од Слободан Пачовски Петок, 10 Декември 2021 09:29

( 0 Гласа )

По повод патрониот празник на НУУБ „Св. Климент Охридски“ - Битола и „100 години од раѓањето на Блаже Конески“ во просториите на Библиотеката ќе се реализираат низа настани со учениците од основните и средните училишта посветени на животот и делото на великанот Блаже Конески.

Првиот настан се реализира со учениците од ОСМУ „Д-р Јован Калаузи“ - Битола под менторство на наставничките по македонски јазик Дарија Наумовска и Марија Тановска.

Ученичките од повеќе класови од I до IV година од ова училиште, на настанот се претставија со прекрасни творби за животот и делото на Блаже Конески.
Подготвија: Вера Марковска и Ирена Колевска

Повеќе фотографии од овој настан на следниот линк: NUUB Facebook

Бесмртноста на Блаже Конески

Последно освежено на Четврток, 09 Декември 2021 13:05 Објавено од Слободан Пачовски Четврток, 09 Декември 2021 12:57

( 0 Гласа )

2021 година е година посветена на великанот на македонската култура, со што нашата земја и официјално се приклучува кон одлуката на Генералното собрание на Обединетите нации оваа година да биде Година на мирот и довербата.

Владата на Република Северна Македонија и Министерството за култура ја усвои Националната програма „2021- Година во чест на Блаже Конески“ која е дел и од календарот на важни меѓународни јубилеи на УНЕСКО“.

По тој повод, како дел од програмата за патрониот празник на 07.12.2021 година во просториите на НУУБ„ Св.Климент Охридски“ - Битола во соработка со Педагошкиот факултет од Битола, се одржа промоција на филмот „Бесмртноста на Блаже Конески“ од авторот Искра Талевска, дипломиран професор по англиски јазик и книжевност, изработен под менторство на проф. Силвана Нешковска.
Овој настан го збогатија и студентите од Педагошкиот факултет: Јасна Талевска, Димитра Десановска и Дијана Нешковска кои изрецитираа преубави стихови од Блаже Конески.
Модератор: м-р Гордана Ѓоргиевска-Неделковски

Повеќе фотографии од овој настан, на следниот линк: NUUB Facebook

Персонална библиографија на Љубомир Трифуновски

Последно освежено на Петок, 10 Декември 2021 07:55 Објавено од Слободан Пачовски Четврток, 09 Декември 2021 12:21

( 0 Гласа )

Во склоп на програмата по повод патрониот празник на НУУБ „Св.Климент Охридски“ - Битола на ден 06.12.2021 година се одржа промоцијата на книгата „Љубомир Трифуновски: персонална библиографија“.

На овој настан воведен збор зеде директорот на НУУБ „Св.Климент Охридски“-Битола, м-р Бојан Стефановски кој на присутните гости им се обрати честитајќи им го патрониот празник на Библиотеката - 8 Декември „Св.Климент Охридски“, а на маестро Љубомир Трифуновски му посака уште многу успеси во неговата работа, многу здравје и понатамошна соработка.

За оваа книга промотор беше етнокореологот Љупка Стефановска, која накратко зборуваше за животот и делото на професорот маестро Љубомир Трифуновски, а од составувачите на оваа книга библиотекарите советници: Гордана Пешевска, Ленче Андоновска и Јоланда Бошевска, за начинот на подготовка на книгата зборуваше Гордана Пешевска-библиотекар советник.

Овој настан беше пропратен со неколку нумери кои ги изведе младинскиот хор при КУД „Стив Наумов„ од Битола под диригентска палка на маестро Љубомир Трифуновски, а за крај присутните имаа можност да погледнат видео запис од мешаниот и младинскиот хор при КУД „Стив Наумов“ - Битола.
Модератор: м-р Гордана Ѓоргиевска-Неделковски

Повеќе фотографии од овој настан на следниот линк: NUUB Facebook