Настани

Критички осврт на „Мостот на Дрина“ од Иво Андриќ

Последно освежено на Среда, 29 Декември 2021 12:38 Објавено од Слободан Пачовски Среда, 29 Декември 2021 12:31

( 0 Гласа )

„Имало и ќе има ѕвездени ноќи над касабата и раскошни соѕвездија и месечини, но немало и којзнае дали ќе има некогаш такви младежи, што бдеат на портата во такви разговори со такви мисли и чувства. Тоа е поколение на побунети ангели, во оној краток миг додека уште ја имаат и сета моќ и сите права на ангелите и пламената гордост на бунтовниците...“ (извадок од Мостот на Дрина, Иво Андриќ, 1977, стр.284)

На 28.12 во просториите на НУУБ „Св.Климент Охридски“ - Битола учениците од IV-5 од СОУ „Јосип Броз Тито“ - Битола имаа можност да слушнат интересни податоци за животот и делото на Нобеловецот Иво Андриќ, но и заедно со својата професорка по македонски јазик Даниела Петровска на направат еден критички осврт на „Мостот на Дрина“, книга која му ја носи Нобеловата награда на Иво Андриќ.
Значењето на ликовите и пораката кои тие ни ја испраќаат, ја докажуваат моќта зошто баш оваа книга ја добива Нобеловата награда за литература во 1961 година.
„Младоста е среќна доба во која човекот почнува да верува во себе, а сè уште не престанал да верува во другите“ - Иво Андриќ
Подготвија: м-р Гордана Ѓоргиевска-Неделковски и Маријан Колевски

Повеќе фотографии на следниот линк: NUUB Facebook

Нова екипа на нова ноќна авантура во Библиотеката

Последно освежено на Четврток, 30 Декември 2021 12:11 Објавено од Слободан Пачовски Среда, 29 Декември 2021 08:02

( 0 Гласа )

Предновогодишната забава во нашата Библиотека продолжува.
Децата се тие кои веруваат и се радуваат на магичноста што го карактеризираат овој период. Затоа во НУУБ „Св. Климент Охридски“ - Битола, се реализираше уште една волшебна работилница.

Волшепствата од приказните за Дедо Мраз, за самовилите и принцезите од книгите, многу игра и забава која им ја приреди Весела Богдановиќ, направи овие дечиња да уживаат во магијата и убавината на приказните.

Повеќе фотографии на следниот линк: NUUB Facebook

Читаме извадоци од делата на Нобеловецот Иво Андриќ

Последно освежено на Вторник, 28 Декември 2021 15:34 Објавено од Слободан Пачовски Вторник, 28 Декември 2021 14:49

( 0 Гласа )

На ден 24.12.2021 во просториите на НУУБ „Св.Климент Охридски“ се реализираше уште една работилница на тема „Иво Андриќ - 60 години Нобелова награда“.

Учениците од IV година од СОУ „Јосип Броз Тито“- Битола,под менторство на професорката по македонски јазик Симона Петровска имаа можност да разговараат за животот и делото на нобеловецот Иво Андриќ и по нивен избор да прочитаат извадоци од неговите познати дела.

Оваа работилница беше посебно интересна бидејќи можеше да се направи споредба помеѓу физичко присуство и онлајн присуство, бидејќи дел од учениците ја следеа оваа работилница онлајн.
Изборот на книга и изборот на мисла од неа, се секогаш предизвик за сите нас. Затоа сите заедно уживавме и се забавувавме со прекрасните цитати од делата на Иво Андриќ.

Повеќе фотографии од овој настан на следниот линк: NUUB Facebook