Млади библиотекари

На 16.11.2018 година се одржа 19. Републички натпревар „Млади библиотекари“ во Домот на културата „Илинден“ во градот-домаќин Демир Хисар. На натпреварот учествуваа и се натпреваруваа 21 учесници од основните училишта на Република Македонија. Петчлената комисија во состав: Мариче Боздоганова, претседател, Соња Велјановска, член, Билјана Аџиовска-Пранџарова – член, Златко Бошевски, член и Драгана Коцева, член и претставник од присутните ментори на учесниците ги прегледаа тестовите и утврдија дека на прво место, од вкупно 120 поени е Борче Исакоси од ОУ „Христо Узунов“ – Охрид со освоени 119 поени, на второ место е Трајче Манчевски од ООУ од „Никола Вапцаров“ – Струмица со освоени 117 поени, и третото место го освои Сања Георгиева Од ООУ „Никола Карев“ од Радовиш со освоени 116 поени. Честитки за наградените и за сите учесници на овој натпревар. Голема благодарност до учениците, нивните ментори и колегите билбиотекари, а посебна благодарност му упатуваме на овогодинешниот домаќин за приемот и пригодниот ручек.

На 2.11.2018 во Националната установа – Универзитетска библиотека „Св. Климент Охридски“ - Битола се одржа 18. Општински натпревар „Млади библиотекари“, на кој зедоа учество ученици од основните  училишта од Битола и по  еден ученик од училиштата во  с. Бистрица, с. Новаци, с. Могила, с.Добрушево и с.Долно Српци,  со вкупно петнаесет  претставници.

Тричлената комисија во состав: претседател Илче Стојановски, виш библиотекар, член Гордана Пешевска, библиотекар советник и член  Александар Крстев, библиотекар, по завршувањето на одговорите на прашањата од страна на учесниците, ги прегледа тестовите и ги соопшти резултатите:

Според утврдените правила за овој натпревар на 19. Републички натпревар „Млади библиотекари“ што ќе се одржи во Народната библиотека „Илинден“ – Демир Хисар на 16.11.2018 г., ќе учествува ученичката од ОУ „Д-р Трифун Пановски“ – Битола, која освои најмногу бодови, а тоа е:  Ана Долевска со освоени 105 бодови од вкупно 117.

Националната установа – Универзитетска библиотека „Св. Климент Охридски“ од Битола го организира Општинскиот натпревар „Млади библиотекари“. Право на учество на овај натпревар имаат сите ученици од основните училишта до 14 годишна возраст кои се членови на училишните библиотеки или Детската библиотека која работи во состав на НУУБ „Св. Климент Охридски“- Битола. За подготовка на учесниците за овој натпревар Ви го предлагаме Прирачникот за подготовка на кандидати за натпреварот „Млади библиотекари“ кој ќе ви го обезбеди Библиотеката.

Рокот за пријавување за учество на натпреварот е до 28 септември 2018 год., писмено по пошта на адреса Национална установа – Универзитетска библиотека „Св. Климент Охридски“ – Битола, ул. „Пеце Матичевски“ бр. 39 со назнака за Општинскиот натпревар „Млади библиотекари“ или лично секој работен ден од 07.30 до 15.30 часот. Општинскиот натпревар ќе се одржи на ден 02 ноември 2018 год. (петок) со почеток во 11 часот во просториите на Библиотеката. Се надеваме дека ќе соработувате со нас и што е можно побрзо ќе го одредите Вашиот претставник за да би можел благовремено да се подготви за натпреварот. Победникот од овој натпревар се стекнува со право на учество на Републичкиот натпревар „Млади библиотекари“ кој оваа година ќе се одржи на 16 ноември (петок) во 12 часот во Народната библиотека „Илинден“ – Демир Хисар. Учеството на овај натпревар го овозможува Библиотеката.

На 17.10.2017 во Националната установа – Универзитетска библиотека „Св. Климент Охридски“ - Битола се одржа 18. Општински натпревар „Млади библиотекари“, на кој зедоа учество ученици од основните  училишта од Битола и по еден ученик од училиштата во  Бистрица, Новаци и Добрушево, вкупно единаесет  претставници.

Тричлената комисија во состав: претседател Јоланда Бошевска, библиотекар советник, член Илче Стојановски, виш библиотекар и член  Гордана Пешевска, виш библиотекар, по завршувањето на одговорите на прашањата од страна на учесниците, ги прегледа тестовите и ги соопшти резултатите:

1. Благица Митровска, 9 одд.  ОУ  „Браќа Миладиновци“,  с.Добрушево, 91

2. Изабела Насковска, 9 одд. ОУ „Св. Кирил и Методиј“, Битола, 90

3. Марија Михајловска, 9 одд. ОУ „Крсте Петков Мисирков“, с. Бистрица, 87

4. Ана Долевска, 7 одд. ОУ  „Трифун Пановски", Битола, 80

5. Христијан Јовановски, 9 одд. ОУ „Елпида Караманди“, Битола, 76

6. Евгенија Трајковска,  8 одд. ОУ „Славко Лумбарковски",  с. Новаци, 70

7. Јана Христовска, 9 одд. ОУ „Гоце Делчев“, Битола, 62

8. Ана Марија Домазетовска, 9 одд. ОУ „Тодор Ангелевски“, Битола, 59

9. Марија Цветановска, 9 одд. ОУ „Коле Канински“, Битола, 56

10. Теодора Јовчевска, 7 одд. ОУ „Св. Климент Охридски“, Битола, 44

11. Ева Диманоска, 9 одд. ОУ „Даме Груев“, Битола, 40

Според утврдените правила за овој натпревар на 18. Републички натпревар „Млади библиотекари“ што ќе се одржи во Центар за култура „Браќа Миладиновци“ во Струга на 03.11.2017 г., ќе учествува ученичката од ОУ „Браќа Миладиновци“ од с. Добрушево, која освои најмногу бодови, а тоа е:  Благица Митровска со освоени 91 бодови од вкупно 100.

Прирачник за подготовка на кандидати за натпреварот „Млади библиотекари“

НУУБ „Св.Климент Охридски“-Битола традиционално го организира 17-тиот општинскиот натпревар „Млади библиотекари“ кој се одржа на ден 14.10.2016 година, во просториите на Библиотеката .
На натпреварот учествуваа ученици од основните училишта од Битола и околината (Новаци,Бистрица, Могила, Добрушево и Српци).
Прва награда освои ученичката Миа Дарковска, 9 одд, ОУ “Елпида Караманди“ - Битола.
Втората награда и припадна на Ана Долевска, 7 одд, ОУ „Трифун Пановски“ - Битола.
Третата награда и припадна на Марија Ѓоргиевска, 8 одд, ОУ „Славко Лумбарковски, Новаци.
Им честитаме на наградените ученици, а на останатите ученици и ментори им благодариме за учеството.
Најдобриот ученик од овој натпревар се стекне со право да учестува на Републичкиот натпревар, која оваа година ќе се одржи во локалната библиотека „Гоце Делчев“ – Велес.

На 31. 10. 2014 година, во Велес се одржа 15. по ред Републички натпревар „Млади библиотекари“, организиран од Библиотекарското здружение на Македонија и Локалната библиотека „Гоце Делчев“ од Велес. На натпреварот зедоа учество 22 напреварувачи од цела Македонија. По поставените прашања од страна на трочлената комисија во состав Пепи Ставревски, претседател и членовите Јадранка Мајсторова и Снежана Петкова, учесниците преминаа со одговарање на прашањата.
Со оглед на на тоа дека на овој натпревар, знаењето на кандидатите беше на високо ниво имаше повеќе кандидати со исти поени по завршувањето на тестот, односно два учесници со по 183 поени и три учесници со по 182 поени. За нив Комисијата спроведе писмено испитување. За првото односно второто место одговараа Емилија Илиевска и Пале Ѓорѓиева кои имаа најголем број на бодови. По поставените прашања од страна на комисијата за победник на 15. Републички натпревар „Млади библиотекари“ беше прогласена Емилија Илиевска од ОУ „Кирил и Методиј“ од Битола, на второ место беше Пале Ѓорѓиева од ОУ „Кирил и Методиј“ од Велес. Истата постапка се спроведе и за стекнување на третото место. Комисијата по поставените прашања за трето место го избра учесникот Мартин Николов од ООУ „Даме Груев“ од Свети Николе. На наградените им беа врачени дипломи и награди за освоените места.
На сите учесници на натпреварот им беа доделини благодарници и по една книга, а исто така со благодарници се стакнаа и нивните ментори.

Во НУУБ „Св. Климент Охридски” – Битола на 14.10.2014 год. (вторник) со почеток во 11 часот, се одржа петнаесеттиот Општински натпревар на „Млади библиотекари“ во просториите на Библиотеката.

Натпреварот го организираше Комисија во состав: Јоланда Бошевска - библиотекар советник, претседател; Гордана Пешевска - виш библиотекар, член и Илче Стојановски - виш библиотекар, член.

На натпреварот зедоа учество 11 натпреварувачи од основните училишта во Битола, Бистрица, Новаци, Могила и Добрушево. Првото место и припадна на Емилија Илиевска ученичка во IX одделение од ОУ „Св. Кирил и Методиј“, Битола. Второто место и припадна на Емилија Јосифовска, ученичка во IX одделение од ОУ „Крсте Петков Мисирков“, с. Бистрица. Третото место и припадна на Теодора Јанкуловска, ученичка во IX одделение во ОУ „Браќа Миладиновци“, с. Добрушево. Победникот од овој натпревар се стекна со право да учествува на 15. Републички натпревар „Млади библиотекари” кој оваа година ќе се одржи во Локалната библиотека „Гоце Делчев”, Велес.

На сите учесници и нивните ментори им беа доделени благодарници за учество на натпреварот, а на најдобрите дипломи и пригодни награди од енциклопедиски изданија.

НУУБ „Св.Климент Охридски“-Битола, на ден 07.10.2013 година го организираше традиционалниот општински натпревар „Млади библиотекари“ кој се одржа во просториите на Библиотеката.

За потребите на општинскиот натпревар се формираше тричлена комисија и тоа во состав на Бошевска Јоланда – претседател, Стојановски Илче и Пешевска Гордана– членови.На натпреварот земаа учество 12-мина ученици од основните училишта од Битола, Новаци , Бистрица, с.Добрушево.

Првото место и припадна на Ивана Карасманакис ученичка во VIII- 3 одделение при ОУ “Св.Климент Охридски“ - Битола. Второто место го освои Евгенија Пројкоска ученичка во VIII-б одделение од ОУ “Св.Кирил и Методиј“ – Битола и третото место и припадна на Наталија Богдановска од ОУ „Браќа Миладиноци“ с.Добрушево.

Читај повеќе: Млади библиотекари 2013

НУУБ „Св.Климент Охридски“-Битола, на ден 03.10.2012 година (среда)  го организираше традиционалниот општински натпревар „Млади библиотекари“ кој се одржа во просториите на Библиотеката.
На натпреварот земаа учество 15-мина учесници од основните училишта од Битола, Новаци и Могила.

Читај повеќе: Млади библиотекари

НУУБ „Св. Климент Охридски” – Битола на ден 25.10.2011 год. (вторник) со почеток во 11 часот, организираше Општински натпревар на „Млади библиотекари„ во просториите на Библиотеката. На натпреварот зедоа учество 13 натпреварувачи од основните училишта во Битола, Бистрица, Новаци, Могила и Добрушево. Првото место и припадна на Лина Гроздановска ученичка во VIII одделение од ОУ „Тодор Ангелевски“, Битола. Второто место освои Ивона Кикерковска од ОУ „Браќа Миладиновци“, Добрушево. Третото место и припадна на Анета Трајковска, ученичка во VII одделение во ОУ „Тодор Ангелевски“, г. Оризари. Победникот од овој натпревар се стекна со право да учествува на 12. Републички натпревар „Млади библиотекари” кој ќе се одржи во библиотеката „Благој Мучето”, Струмица.

Општинскиот натпревар „Млади библиотекари“ беше организиран во роднокрајната читална на Библиотеката на 21.10.2010 год. Со почеток во 11 часот.

На натпреварот зедоа учество учесници од основните училишта во Битола, с. Бистрица, Новаци и Могила.

Прво место на Општинскиот натпревар освои ученичката Теодора Сакурмовска од ОУ „Гоце Делчев“ - Могила. Второ место освои ученичката Ангела Момовска од ОУ „Коле Канински“ – Битола и трето место освои ученичката Сара Дранго од ОУ „Гоце Делчев“ – Битола.

Според утврдените правила на Републичкиот натпревар што ќе се одржи во Прилеп на 12.11.2010 година Библиотеката ќе ја претставува првонаградената ученичка.

Прво место за претставничката на НУУБ „Св. Климент Охридски“  - Битола, ученичката Емилија Недановска од ОУ „Браќа Миладиновци“ од с. Добрушево на десеттиот Републички натпревар - Млади библиотекари кој се оддржа во библиотката „Гоце Делчев“ во Велес.

Читај повеќе: Десетти Републички натпревар „Млади библиотекари“