„Булеварот на независноста“ - Кшиштоф Варга
Објавено од Фатма Бајрам Среда, 03 Јануари 2018 08:46
Квалитетните приказни, барем оние според хичкоковските шеми, треба да почнат со експлозија, во буквална смисла на зборот, а потоа да нè држат во напнатост до крајот. Книгата на Полјакот Варга е токму таква. „Булеварот на Независноста“ (2010), започнува со она што за повеќето романи би означувало крај – со смртта на главниот јунак, а потоа нè води низ екстатично и сатирично дејство.
„Девојчето што премногу си сакаше ќибритчињата“ - Гаетан Суси
Објавено од Фатма Бајрам Вторник, 19 Декември 2017 10:43
Живеејќи со својот авторитарен татко на еден огромен имот каде што времето одамна сопрело, две деца живеат во некој свој надреален свет, инспириран од читање филозофски дела и витешки приказни. Кога го наоѓаат таткото мртов, сестрата го остава братот и тргнува да купи ковчег во блиското село.
Читај повеќе: „Девојчето што премногу си сакаше ќибритчињата“ - Гаетан Суси
Откако ќе се омажи со Чану, 20 години постар од неа, Назнин е одведена во Лондон, напуштајќи го својот дом во Бангладеш. Новиот свет е полн со тајни. Како добра и послушна муслиманка, се обидува да не поставува многу прашања, туку да се грижи за сопругот и за ќерките. Но ненадејно сретнува привлечен млад човек, и ова еротско будење ги претвора нејзините претходни навики во хаос. Привидот на животниот мир ќе го скрши токму Карим, кои ќе и` наметне бројни дилеми за личните желби и за припадноста во општеството, ќе и ги отвори очите, но она што на крајот ќе го види, ќе ги изненади двајцата.
Едно момче ќе биде одведено во дом за деца со посебни потреби. Наеднаш пред него ќе се отвори сосем нов свет со сопствени ликови и со правила на однесување, толку различни од „обичниот“ свет. Децата се доведени таму од своите родители и заборавени. Сепак, нивната детска фантазија и игри не може никој да им ги одземе.
Херман Бриселманс е еден од најпродаваните белгиски писатели. Во неговите книги има многу автобиографски елементи. Алкохолот, сексот, досадата, се теми со кои се занимава во своите дела. Неговата популарност почива и на огромното медиумско експонирање. Имал свое тв-шоу и редовна колумна во весник поради која неколкупати е даван на суд. Поседува свој фудбалски клуб.
Романот е прв добитник на Сингапурската книжевна награда во 1992 година. Преводот на македонски е на Николче Мицкоски. Oва е само втора книга од сингапурски автор, објавена во Република Македонија.
