„Земја на љубовта“ - Одни Еир
Објавено од Фатма Бајрам Понеделник, 18 Декември 2017 11:01
Издавачката куќа „Антолог“ го објави романот „Земја на љубовта“ од исландската писателка Одни Еир. Романот е добитник на Наградата за литература на Европската Унија во 2014 година и седум недели бил на листата на најпродавани книги.
„Земја на љубовта“ е напишан во форма на дневник и опишува период од животот на главната хероина во кој таа е задлабочена во потрагата по место каде што припаѓа и каде што би се удомила.
„Отело, Арапинот на Валона“ - Бен Бљуши
Објавено од Фатма Бајрам Понеделник, 18 Декември 2017 10:51
Главниот лик во романот, Отело, доаѓа од пустината. И тој е црнец како и Шекспировиот Отело. Купен на пазарот на робови од венецијанското семејство Контарини, инаку потомци на Марко Поло, Отело се вљубува во девојчето што го зема за да си игра со него, Дездемона, помалата ќерка на семејството Контарини. Отело подоцна судбината ќе го однесе во Валона, каде што ќе помине цели десет години, период во кој доживува страшни моменти, а завршува и во затвор.
Своевидна биографија на Бруно Шулц и прекрасна приказна за љубовта, поразите и за уметноста, која уште еднаш се покажува помоќна од смртта.
Жедниот е истовремено убава и болна книга што раскажува за свет што се граничи со лудилото на алкохолизмот и неговиот пекол. Ова е сурово дело што ги истражува границите на човековата деградација преку психофизичкото уништување што алкохолот го носи со себе. Како да се бориме против оваа неугаслива жед што ништо не признава? Ова прашање го прогонува Естебан Еспосито, писател-алкохоличар, во неговата луцидна и пијана перцепција на реалноста. Губењето на сеќавањето и на чувството за време и за простор, од кое страда тој, формира роман што потсетува на стилот на пишување на другите алкохоличари-писатели како Жерар де Нервал, Дилан Томас, Едгар Алан По и Малколм Лаури.
„Седумтемина луди“ е жестока антиутопија, во која вистината и фантазијата си ги заменуваат местата. Мрачното дело на Арлт ја претскажува политичката иднина на Аргентина 15 години пред некој воопшто да слушне за Хуан Перон.
