Убиецот со распетието - Крис Картер
Објавено од Слободан Пачовски Среда, 03 Март 2021 10:36
Пронаоѓањето на телото на млада жена во една пуста колиба среде шума во Лос Анџелес го враќа детективот Роберт Хантер во еден страшен стар кошмар. Жртвата е пронајдена гола, закачена за две паралелни дрвени штици и очигледно е дека била садистички мачена пред исклучително болната смрт.Некој ѝ ја одрал целата кожа од лицето – и тоа додека сѐ уште била жива. На задниот дел од нејзиниот врат е врежан чуден двоен крст: заштитен знак на психопат познат како Убиецот со распетието.
Случајот Чернобог - Катерина Шошко
Објавено од Слободан Пачовски Среда, 03 Март 2021 09:59
На почетокот на 1980-тите младите психијатри Јан Леви и Татјана Фауст добиваат задача да напишат теза за феноменот Елеонора Чернобог, случај што со децении неуспешно се провлекувал по психијатриски установи и за кој ниеден психијатар не успеал да постави вистинска дијагноза. Денот кога стигнуваат во поправниот дом каде што Елеонора е оставена од родителите е денот кога животите на тројцата се менуваат.
„Скриени желби, немирни патувања“ е мозаичен роман во кој врз основната приказна за четири ликови се вкрстуваат приказните на педесетина луѓе од различни географски меридијани.
Пред диктафонот на црногорската новинарка Бранка Богавац, која веќе неколку децении живее во Париз, имаат седнато најзначајните писатели од втората половина на XX и од почетокот на XXI век. Обидувајќи се низ разговорите со нив да направи нивни портрети, таа креирала и слика на епохата. Отсекогаш сме сакале да дознаеме што повеќе за најголемите автори. Современи класици, нобеловци, влијателни мислители и исклучителни креативци што оставиле огромна трага во литературата и надвор од неа се распостилаат себеси во овие исклучителни дијалошки профили.
Фантастичен сплет од мистерии, дисфункционални семејни односи, морбидност и неизвесност – совршениот рецепт што ќе ве натера да го прочитате романов во еден здив! Херкул Поаро патува со луксузен пајтон до елитниот имот Кингфишер хил. Тој и неговиот верен придружник, инспектор Кечпул, се најмени од Ричард Девонпорт да го истражат убиството на неговиот брат Френк и да докажат дека неговата свршеница Хелен е неправедно осудена за убиството.
Како да постигнеме успех во еден свет во кој сè бега надвор од контрола и во кој често пати се соочуваме со непријатности? Сите големи лидери, философи, уметници, спортисти и визионери имаат една заедничка карактеристика. Онаа што им овозможува да го скротат својот гнев. Да ја избегнат деконцентрацијата и да ги прошират своите хоризонти. Рајан Холидеј ја нарекува спокојство. Тој се задржува на будистичката и на стоичката философија за да покаже зошто човек треба да се движи пополека за да ги оствари своите цели.
