Убиството на Султанот - Ахмет Умит
Објавено од Слободан Пачовски Четврток, 11 Февруари 2021 07:46
Приказната се одвива во Истанбул, а започнува кога професорот Муштак Серхазин добива телефонски повик од Нузхет, жената која дваесет години порано го напуштила и отишла да живее во Чикаго. Кога таа, по две десетлетија нејавување лежерно го кани на вечера, како работите меѓу нив да се сосема нормални, Муштак доживува силен емоционален стрес. Муштак страда од ретко пореметување, краткотрајно губење на сеќавањето…Кога ќе доживее силна возбуда му се случува на неколку часа да го изгуби чувството за сопствен идентитет и за она што го работел или каде бил.
Украденото дете - Санџида Кеј
Објавено од Слободан Пачовски Вторник, 09 Февруари 2021 13:46
По неколку неуспешни обиди за свое биолошко бебе, Оли и Зои добиваат повик дека конечно ќе станат родители. И покрај предупредувањата од службените лица и лекарите да не ù даваат име на својата ќерка, бидејќи така само би им било потешко, Оли и Зои не ги послушуваат. Одлучуваат да ù дадат име Евелин Кетрин Морли или нагалено Еви.И покрај сите можни ризици, за тоа дека може да има оштетување на мозокот или дури и да почине поради предвременото раѓање, доволни се само неколкуте зборови од сопругот: „Сè ќе биде во ред“.
Но, дали навистина ќе биде така?
Едно необично и неочекувано запознавање, целосно го менува животот на младата Ева и засекогаш ѝ го заробува срцето. Љубовта која се разви од тој магичен момент, е толку волшебна што ни самата не може да поверува. Среќниот и исполнет живот со Виктор, е многу повеќе од она што таа верува и очекува од еден маж. Нивната приказна е завиена во мистериозноста на неговото појавување во нејзиниот живот и настаните кои само ја зацврстуваат љубовта меѓу нив.
По сите индикатори, Гиљермо Розенсвајг е олицетворение на успехот. Тој е член на гватемалската елита, има успешна адвокатска кариера, има жена и деца и низа прекрасни љубовници. Меѓутоа еден ден патиштата му се вкрстуваат со либанската заносна убавица Маријам, во која очајно се заљубува… до таа мера што кога во моментот ја губи неа, тој не гледа друга опција освен да си ја инсценира сопствената смрт.
После разводот, младата и привлечна мајка Соња, се обидува да го добие и да го задржи старателството над нејзиниот син. Во исклучително тешка животна ситуација, таа се впушта во шверц на кокаин за Исланд и одеднаш е заглавена во канџите на безмилосниот криминален свет. Додека очајно го бара излезот од неволјите, уценета и крваво претепана, таа е принудена да применува нови и смели тактики, но не успева да го надмудри Браги – цариникот со долгогодишно искуство.
Ако го најдеш, готово е. Тој веќе доаѓа по тебе.
