Настани

Општински натпревар „Млади библиотекари“

Последно освежено на Вторник, 02 Ноември 2021 11:07 Објавено од Слободан Пачовски Вторник, 02 Ноември 2021 10:48

( 0 Гласа )

Општинскиот натпревар „Млади библиотекари“ е организиран од НУУБ „Св.Климент Охридски“ – Битола, и се одржа на ден 29.10.2021 година.
На Општинскиот натпревар зедоа учество ученици од основните училишта од Битола и еден ученик од училиштето во Могила со вкупно девет претставници.

Според утврдените правила за овој натпревар на 21. Републики натпревар „Млади библиотекари“ што ќе се одржи во Центар за култура „Григор Прличев“ во Охрид на 06.05.2022 г., ќе учествува ученикот кој ќе освои освои најмногу бодови на Општинскиот натпревар, а тоа е:

Анамарија Ристевска, 9 одд. од ОУ „Св. Кирил и Методиј“ - Битола со освоени 81 бод.

Второто место и припадна на Лина Чашитовска, 9 одд. од ОУ „Стив Наумов“ Битола, со 78 освоени бода.

Трето место - Лина Христовска, 9 одд. ОУ „Гоце Делчев“ Битола, со освоени 73 бода.

Другите учесници беа:

Јована Ѓоргиевска, 9 одд. ОУ „Св. Климент Охридски“ - Битола
Дарко Петковски, 8 одд. - ОУ „Елпида Караманди“ - Битола
Ангела Колтоска, 9 одд. ОУ „ Гоце Делчев“ - Могила
Христина Гоцевска, 9 одд. - ОУ „Коле Канински“ - Битола
Стефан Ристевски, 8 одд. - ОУ „Ѓорѓи Сугарев“ - Битола
Симона Николовска, 9 одд. ОУ „Даме Груев“ - Битола.

Наградените учесници за учеството добија подарок енциклопедии и благодарници, додека другите учесници благодарници.

Повеќе фотографии на следниот линк: NUUB Facebook

Забавата продолжува со учениците од ООУ „Стив Наумов“- Битола

Последно освежено на Вторник, 02 Ноември 2021 11:58 Објавено од Слободан Пачовски Вторник, 02 Ноември 2021 10:41

( 0 Гласа )

Забавата продолжува.
Во НУУБ „Св. Климент Охридски“- Битола се одржаа две работилници со учениците од V-в и V-г одделение, од ООУ „Стив Наумов“- Битола. Учениците заедно со своите наставнички Билјана Палашовска и Весна Стојановска имаа можност да ги слушнат прекрасните Македонски народни приказни „Самоилова невеста“ и „Пиралката невеста - Самоилова“, кои им ги прочита библиотекарот Јасминка Кочевска
Во вториот дел од работилницата, учениците ги набоија цртежите инспирирани од приказните кои претходно ги слушнаа и одлично се забавуваа.

Повеќе фотографии на следниот линк: NUUB Facebook

700 години од смртта на Данте Алигиери

Последно освежено на Вторник, 02 Ноември 2021 11:17 Објавено од Слободан Пачовски Вторник, 02 Ноември 2021 08:09

( 0 Гласа )

По повод „700 години од смртта на Данте Алигиери“, во холот на Библиотеката НУУБ Св. Климент Охридски - Битола, беше поставена тематска изложба.
Изложбата со своја програма ја збогатија ученици од СОУ„Таки Даскало“ - Битола, под менторство на проф.Николина Поповска.
Агилиери е писател на многу значајни дела напишани на италијански и латински јазик, но пред сè на монументалната поема Божествена Комедија, која претставува едно од најзначајните литературни дела на сите времиња во кое се раскажува за патување во задгробниот живот. Во поемата, поделена на три дела – Пекол, Чистилиште и Рај, се претставени религиозните и филозофски концепти на тој период и се среќаваат бројни познати личности од Италија и современици на авторот, коишто се трансформираат во универзални архетипови, дотаму што тие дури и денес се актуелни.