Настани

На 28.10.2021 година во НУУБ „Св. Климент Охридски“- Битола се одржаа две работилници со учениците од V-a и V-б одд. од ООУ „Стив Наумов“- Битола.
Учениците заедно со своите наставнички Анжелика Петковска и Виолета Цигарида имаа можност овој пат покрај тоа што слушнаа прекрасната басна во вториот дел да изработуваат оригами. Оригамите се техника која е многу интересна и креативна за учениците.
Во првиот дел од работилницата нашите библиотекари Гордана Ѓоргиевска Неделковски и Ирена Котевска им ја прочитаа прекрасната басна „Мајмунски работи“ од Киро Донев извадок од книгата „Басни “избор.

Додека во вториот дел, им беше покажан начинот на изработка на оригамите. Учениците во пријатна атмосфера изработија: срце плик и оригами срце. Радоста беше обострана, заедно творевме и уживавме. Уште една работилница ја завршуваме со насмеани детски лица.
Повеќе фотографии од овој настан на следниот линк: NUUB Facebook

МЕСЕЦ ОКТОМВРИ Е МЕСЕЦ НА КНИГАТА

По тој повод библиотекари од  НУУБ „Св. Климент Охридски“- Битола ги посетија учениците од Прво-б одделение  од ООУ„Елпида Караманди“- Битола и нивната наставничка Гордана Марковска -Угриновска.

Учениците имаа можност да ја слушнат прекрасната бајка „Девојчето и дванаесетте месеци„ од книгата „Бајки од Македонија“ која им ја прочита библиотекарот Гордана Ѓоргиевска-Неделковски. Оваа бајка праќа силна порака за силината на зборовите кои ги испраќаме кон другите.
„Убавиот збор железни врати отвора“
Затоа, уште од најмали нозе треба да ги применуваме убавите зборови, а истовремено да ги избегнуваме лошите.
Повеќе фотографии за овој настан на следниот линк: NUUB Facebook