Свртени огледала
Четврток, 09 Јануари 2014 14:54
Кружната одаја, во која напати осаменоста ме задушуваше, преполна е со твои спомени. Ме опива твојот мирис. Го слушам шепотот како ги урива sидовите и се претвора во татнеж кој ме одвојува од вистината. Те гледам само кога ќе ги затворам очите. Ми велат дека е сон. Па што ако?
Каменот од твојот ден
Четврток, 09 Јануари 2014 14:47
Четворица пријатели одат на Хималаи. Само една од нив е жена и само таа нема никакво претходно планинарско искуство. Не поседува „доказни материјали” дека може заедно со нив, искусните, да искачи пет илјади метри височина, совладувајќи ги сите нешта што Хималаите ги испречуваат на патот на „освојувачите”. Единственото нешто што Таа го поседува е страсната желба да си го оствари својот животен сон. Сонот се вика: да одам на Хималаи.
Оваа магична приказна за прифаќањето на минатото и за верба во сопствената иднина, започнува во Рио де Жанеиро, кога Пауло Коелјо му дава примерок од книгата Алхемичарот на мистериозниот учител Ж. и му го доверува својот немир поради тоа што сите негови соништа пропаѓаат токму кога е на прагот да ги оствари.
Џејсон Борн е човек кој нема минато. А можно е дека нема да има и иднина. Неговото сеќавање целосно е исчезнато. Единствено е свесен дека Медитеранското Море го отфрлило на брегот и дека телото му е изрешетено. Од сигурна смрт го спасува Вошберн, лекар во мало место, на исто така, мал остров.
Натали Беноа е новинарка во истражувачкиот тим (И-ТИМ) на еден престижен дневен весник. Таа е личност која, за девојка на нејзини години, има поминато навистина многу во животот. Нејзината судбина е толку мрачна и тажна што изгледа дури и неверојатно. И како да е малку сето она што го има преживеано, нејзиното службено патување на кое оди со група новинари се претвора во пекол во моментот кога мексикански картел ги убива речиси сите нејзини колеги во автобусот и ја зема неа како заложник.
